澳职攻略：狮吼蓄细链喷射机

　周五澳职独脚戏，纽卡素喷射机主场迎战布里斯班狮吼。喷射机今季场场有失波，一定先巩固防线，狮吼一向守强攻弱，客场更加唔敢轻举妄动，今仗唔慌多波入，中位数2.5球嘅细盘捧得过。 　　喷射机今季表现飘忽，开咧後6仗联赛3胜3负，虽然世盃休战後首仗即击败中岸水手2比1，但表现唔算标青，而且佢哋今季6仗联赛场场有失波，共失11粒，何况佢哋近7次对住狮吼，赢得1次咁大把，就算系主场出击都未必够信心，务必要先做好防守。 　　狮吼近6仗仅失5球 　　另一边厢，狮吼战绩较喷射机略差，开咧後6仗联赛录得1胜4和1负，所败一仗系输畀劲旅墨尔本城，佢哋胜在有自知之明，更加注重防守，今季6仗联赛只入5球，不过亦仅失5球，拍住西悉尼流浪者成为今季澳职失波最少球队，防守非常硬净。而狮吼喺呢6仗中，有5仗开2球或以下，包括上仗落後之下，於末段靠中场占士奥沙操刀12码建功，逼和阿德莱德联1比1，韧力十足，今仗作客会踢得更保守，2.5球嘅入球细有计。