欧国联:球员踢到残斗心存疑 比利时半场易和波

　 欧国联:球员踢到残斗心存疑 比利时半场易和波 2022年06月08日 太阳日报 今晚欧国联A4组赛事，比利时主场迎战波兰。两队均已打入年尾卡塔尔世盃决赛周，将利用欧国联练兵。比利时上仗意外大败於荷兰脚下，今仗再失分就有麻烦，不过球员决心成疑，未必会急於求胜；波兰作客遇强，亦会大踢稳阵波，佢哋近3仗全开半场和，一於再追。 比利时球星如云，曾经高踞世界排名第一，不过阵中主力年纪渐大，卡塔尔世盃系佢哋「黄金一代」最後机会，相比之下欧国联只会视作练兵之地，上仗主场1比4不敌荷兰，夏萨特、卢卡古及奇云迪布尼正选上阵但毫无威胁，卢卡古更受伤离场，要等到补时先靠後备嘅巴舒亚伊破蛋。赛後主帅马天尼斯批评赛程太密，令球员更易受伤，迪布尼亦质疑欧国联嘅重要性，战意存疑，证明如果比赛态度唔够坚决，就算有实力亦难言稳胜。 波兰踢法慢热 波兰喺今年3月欧洲世盃附击败瑞典获得世盃入场券，决赛周编入C组，同组对手包括阿根廷、墨西哥及沙特阿拉伯，想出线就要好好部署。波兰喺今届欧国联有个好开始，上轮以2比1击败半力应战嘅威尔斯，两个入球都喺下半场由後备球员取得，可见球队踢法慢热。翻查波兰近3仗上半场成绩，全部与对手互交白卷，预计今仗会照办煮碗，换边前尽量抵挡比利时进攻，再见机行事，半场和好路。