日联盃:名牌球队对决鹿角恰惯飞脚

　2022年03月26日 今午日联盃A组有场名牌对决，鹿岛鹿角主场迎战大阪飞脚。两队上届日联盃同於8强出局，今届开局成绩未如理想，必须力争胜仗，睇番两队近年交手颇有「格食格」味道，鹿角近3次交手全胜，信数据拣主W。
（周六下午2时开赛）
鹿角同飞脚都系日职争标分子，鹿角上季排第4，飞脚上季受疫情影响跌出前10。今季鹿角由瑞士主帅韦拿执教，虽然佢之前几场未能领军，但球队一改季初失准毛病，喺日职5仗豪取4胜，不过喺日联盃仅得1和1负，如要争取出线必须发力抢分，该队近3仗对飞脚全胜，球员心理上有优势，今场抢分大战更大把握。
飞脚於2014年取得日职、日联盃及天皇盃「三冠王」，但近年好景不再，名帅宫本恒靖更於上季季中落台，今季改由大分三神来投嘅片野知宏执教，但季初成绩未见改善，联赛5仗仅得5分排中下游，日联盃亦仅得1和1负与鹿角同分，依家睇嚟飞脚要将注意力放在联赛抢分，日联盃可能会摆埋一边，令鹿角更有取胜机会。