富咸 對 盧頓

　軍情 　　富咸上仗慘負曼城而回，老牌中堅添列姆雖然一度追平，但輸壞上半場完場前一球，結果下半場兵敗如山倒；英格蘭專業裁判組織首席球證總監韋比，賽後指富咸上半場完場前失球，應判曼城球員犯規在先，不計入球。球隊中場主將祖奧包連拿最終轉會不成，今場應再獲重用。新兵中堅奇雲巴斯早前已波監期滿，可以復出，但上仗卻全場坐冷板。 　　盧頓中堅隊長洛耶今夏從心臟病康復後，即復任正選；但早前聯賽盃傷出後，又退出所屬國家隊，今場仍難披甲。今夏新兵中堅麥斯安達臣上仗完場前破蛋，今場仍會舊將阿馬利貝爾及列斯布基，合組3中堅防線。首席前鋒卡爾頓摩利斯，仍會跟艾迪巴約合力攻堅，力爭為球隊搶得升上英超的第1分。 　　富咸 　　受傷：洛耶（後衛） 　　停賽：／ 　　盧頓 　　受傷：／ 　　停賽：／ 　　近況 　　富咸今季英超首輪即打響頭炮，但之後無以為繼，近3戰英超不勝兼共失10球，雖然對手全部屬硬淨之輩，但防守欠穩是不爭事實；今返主場遇上升班馬，相信仍會穩中求勝。盧頓升上英超3戰全敗，包括上仗主場1比2不敵韋斯咸，入少失多；今場作客必囤重兵後防，再博突擊，戰意搭夠下，未必輸蝕，今場先取「入球」細。 　　往績 　　雙方近4次交手，2勝2和；富咸上次勝7比0。